“Gələcəyə Körpü” GİB “Beynəlxalq Könüllülük Proqramı”


“Beynəlxalq könüllülük proqramı” 2008 ildən “Gələcəyə Körpü” Gənclər İctimai Birliyinin nəznində fəaliyyət göstərməktədir. Proqramın əsas məqsədi Gənclərimizin bir çox beynəlxalq düşərgə, festival və layihələrdə iştirakını təmin etməklə, şəxsi və peşəkar bacarıqlarını inkişaf etdirmək, ölkəmizi bu layihələrdə təmsil etməkdir.

 Avropa və digər ölkələrdə könüllülük bir çox sahələrdə öz əksini tapmışdır beləki, hər il Avropa Könüllülük Təşkilatları Birliyi tərəfindən 50-yə yaxın ölkədə fəaliyyət göstərən tərəfdaş təşkilatlar bu sahə üzrə yüzlərlə düşərgə, festival və sosial layihələr həyata keçirir.

 “Gələcəyə Körpü” GİB bu şəbəkənin hüquqi üzvü olaraq regionda mövcud olan müxtəlif sosial problemlərin həlli yolunda hər il beynəlxalq düşərgələr və sosial layihələr reallaşdırır. Hazırda Birlik Beynəlxalq Könüllülük Proqramı üzrə 25 ölkədən 38 gənclər təşkilatı ilə daimi əməkdaşlıq edir və gənclərin mübadiləsini həyata keçirir. Son 3 ildə proqramın vasitəsi ilə regionda 9 Beynəlxalq layihə həyata keçirmiş və 100-ə yaxın gəncimiz fərqli ölkələrdə beynəlxalq düşərgələrdə ölkəmizi təmsil etmişdir.

Əgər sizdə beynəlxalq və ya yerli layihələrdə iştirak edərək təcrübə qazanmaq istəyirsinizsə, “Gələcəyə körpü” GİB nəznində fəaliyyət göstərən Beynəlxalq Könüllülük Proqramına müraciət edin və dünyanın istənilən ölkəsində  10 gündən – 1 ilədək müxtəlif beynəlxalq festivalların, düşərgələrin və layihələrin  iştirakçısı olun. 

Proqram çərçivəsində Visa,Yaşayış, gündə 3 dəfə yemək və ekskursiyalar təşkilatçılar tərəfindən  təmin olunur. Düşərgələrdə iştirak etmək üçün yerli layihələrin maliyyələşdiriliməsinə yönəlmiş və müəyyən edilmiş İştirakçı haqqı ödənilməsi tələb olunur. 

Qeydiyyat və ödəniş xüsusi müqavilə ilə təsdiqlənir.

Daha ətraflı məlumat üçün  

Əlaqə: 

Beynəlxaql Könüllülük Proqramı üzrə Koordinator

“Gələcəyə Körpü” Gənclər İctimai Birliyi

Ünvan : Gəncə şəh. Vaqif 135

E-mail: ivpazerbaijan@gmail.com

https://line.do/beynlxalq-konulluluk-proqrami-na/9ov/vertical